लापा र सेर्तुङका किसानलाई दाँते ओखरको विरुवा वितरण

धादिङ,२० चैत ।
जिल्लाको उत्तरी क्षेत्र रुवीभ्याली गाउँपालिकाका कृषकहरुलाई दाँते ओखरको विरुवा विरण गरीएको छ । रुवी भ्याली गाउँपालिका वडा नं ३ र ५ का कृषकहरुलाई दाँते ओखरको विरुवा वितरण गरिएको हो ।

वडा नम्बर ३ सेर्तुङ स्थित आँखुखोला कृषि तथा पशुपन्छी कृषक समुह र वडा नम्बर ५ लापा ठुलो गाउँ स्थित छुमर कृषि बहुउद्देश्यीय सहकारी सस्था लिमिटेडलाई अनुदानमा ९०० वटा दाँते ओखरको विरुवा प्रदान गरिएको हो ।

सेर्तुङका किसानले ४५० र लापा ठुलो गाउँका किसानले ४५० गरी ९०० वटा विरुवा प्रदान गरिएको गाउँपालिकाले जनाएको छ । किसानले विरुवा रोपण गरिसकेका छन् ।दाँते नाम युरोपबाट आएको भन्ने गरिन्छ । सामान्यतया ९०० दखि ३००० मिटर सम्ममा ओखर पाइने गर्छ ।