माओवादी केन्द्र नीलकण्ठ १ पूर्ण बैठक सम्पन्न, पार्टीलाई थप मजबुद बनाउने निर्णय

धादिङ । नेपाल कम्युनिस्ट पार्टी माओवादी केन्द्र नीलकण्ठ १ को पूर्ण बैठक सम्पन्न भएको छ । आज शनिबार वडा पार्टी अध्यक्ष भोजबहादुर गुरुङको अध्यक्षता नेकपा माओवादी केन्द्र बागमती प्रदेश समिति सचिवालय सदस्य तथा नीलकण्ठ नगर उपप्रमुख दिपक विश्वकर्माको प्रमुख आतिथ्यता,नगर अध्यक्ष क. शम्भुकुमार श्रेष्ठको विशेष आतिथ्यता बैठक सम्पन्न भएको हो ।

झण्डै एक वर्षपछि बसेको बैठकले पार्टी गतिबिधी,वडाका बिकास निर्माणका काम,जनगुनासाहरु तथा आगामी योजनाहरुको बारेमा बृहत् छलफल गरि संगठनलाई क्रियाशिलताको बिषयमा बिभिन्न निर्णयहरु गरेको नगर सचिव चन्द्र बहादुर लम्सालले बताउनु भयो ।

सम्पन्न पुर्ण बैठकले रिक्त वडा समितिको कोषाध्यक्षमा रिता गुरुङलाई मनोनित समेत गरेको छ । माओवादी केन्द्र नीलकण्ठ १ को कमिटिको अध्यक्षमा हाल भोजबहादुर गुरुङ,उपाध्यक्षमा शैलेश मगर,सचिवमा सुबिलाल तामाङ,कोषाध्यक्षमा रिता गुरुङ र सह –सचिवमा जुनकीरी गुरुङ रहेका छन् ।