महिला सशक्तिकरण सम्बन्धि तालिमको दोस्रो दिन आज पनि जारी

धादिङ,१३ चैत ।

नीलकण्ठ नगरपालिकाको आयोजनामा तीन दिने महिला सशक्तिकरण सम्बन्धि तालिम धादिङबेसीमा हिजोदेखि जारी रहेको छ । सामाजिक समावेशिकरण महिला विकास अन्र्तगत महिला सशक्तिकरणको लागि तीन दिने तालिम संचालन गरिएको हो ।

तालिममा महिला अधिकार सम्बन्धि संवैधानिक व्यवस्था, सशक्तीकरण हुनकालागि के के हुनु जरुरी छ ? हामीले हाम्रा विचार अभिव्यक्त गर्न किन जरुरी छ र कसरी अभिव्यक्त गर्ने रु लैङ्गिक समानता के हो ? महिलालाई आयआर्जन किन जरुरी छ ? उद्यमशील महिलालाई राज्यको सहुलियत नीति के कस्तो छ ? र,मनोपरामर्श लगायतका विषयमा प्रशिक्षण दिइरहेको नीलकण्ठ नगरपालिकाका महिला निरिक्षक निर्मला केसीले बताउनुभयो ।
तालिममा नीलकण्ठ नगरपालिकाको १४ वटै वडाका विभिन्न पेशामा आबद्ध अगुवा महिला, एकल महिला र किशोरीहरू लगायतको सक्रिय सहभागी रहेको छ ।