नीलकण्ठ नगरपालिकाको आयोजनामा महिला सशक्तिकरण सम्बन्धि तीन दिने तालिम शुरु

धादिङ १२ चैत 
नीलकण्ठ नगरपालिकाको आयोजनामा तीन दिने महिला सशक्तिकरण सम्बन्धि तालिम धादिङबेसीमा आजबाट शुरु भएको छ ।सामाजिक समावेशिकरण महिला विकास अन्तरगत महिला सशक्तिकरण सम्बन्धी तीन दिने तालिम सामाजिक विकास संयोजक चिना माया श्रेष्ठको अध्यक्षतामा शुरु भएको हो ।

तालिमको उद्घाटन सत्रमा बोल्दै नगरपालिकाका उपप्रमुख दिपक विश्वकर्माले महिला सशक्तीकरण भए मात्र परिवार र समाज सुधार हुने भन्दै नगरपालिकाले अब बन्ने नीति कार्यक्रम र बजेटमा तालिममा उठेका सल्लाह सुझावलाई टेकेर पालिकाले महिलाको विकासमा लागि पर्ने विश्वास व्यक्त गर्नुभयो ।उहाँले परिवर्तित समयसंगै महिला दिदीबहिनीमा आएको चेतनाले अहिलेको समाज हिजो भन्दा सचेत रहेको बताउँनुभयो । तालिममा सहभागीलाई वडादेखि आउने अगुवा महिलाको रुपमा नेतृत्वदायी भूमिका गर्ने महिलाको रुपमा आफूलाई विकास गरेर जान उपप्रमुख विश्वकर्माले अनुरोध गर्नुभएको छ।

तालिममा महिलालाई सशक्तिकरण गर्न नगरपालिकाले गरेको यो लगानीलाई सहभागीले सहि सदुपयोग गर्न आग्रह गर्दै नगरपालिकाको सामाजिक विकास संयोजक चिना माया श्रेष्ठले महिलाको आर्थिक विकास गर्नको लागि नगरपालिकाले कस्तो भूमिका निर्वाह गर्नुपर्छ तीन दिनको तालिमबाट खुलाउन सहभागीलाई आग्रह गर्नुभएको छ। महिलाको जिम्मेवारी घरायसी काममा मात्रै नभएर विकासको पूर्वाधारमा पनि महिलाको उपस्थिति जरुरी छ भनेर आत्मविश्वास जगाउनको लागि महिला सशक्तिकरण तालिमको आयोजना गरिएकोे नीलकण्ठ नगरपालिकाका महिला निरिक्षक निर्मला केसीले बताउनुभयो ।

तालिममा महिला अधिकार सम्बन्धि संवैधानिक व्यवस्था, सशक्तीकरण हुनकालागि के के हुनु जरुरी छ ? हामीले हाम्रा विचार अभिव्यक्त गर्न किन जरुरी छ र कसरी अभिव्यक्त गर्ने रु लैङ्गिक समानता के हो ? महिलालाई आयआर्जन किन जरुरी छ ? उद्यमशील महिलालाई राज्यको सहुलियत नीति के कस्तो छ ? र मनोपरामर्श लगायतका विषयमा प्रशिक्षण दिइने नगरपालिकाका सल्लाहकार दिपक कोइरालले जानकारी दिनुभयो ।तालिममा नीलकण्ठ नगरपालिकाको १४ वटै वडाका अगुवा महिलाहरू, विभिन्न पेशामा आबद्ध महिला, एकल महिला, किशोरीहरू लगायतको सक्रिय सहभागी रहेको छ।