ज्वालामुखीमा झुटो विवरण पेश गरी जन्मदर्ता बनाउने तीन जना पक्राउ

धादिङ ११ चैत ।
धादिङको ज्वालामुखीमा झुटो विवरण पेश गरी जन्मदर्ता बनाउने तीन जना पक्राउ परेका छन् । प्रकाउ पर्नेमा धादिङको ज्वालामुखी गाउँपालिका वडा नम्बर ६ का श्याम बहादुर नगरकोटी, उनका श्रीमती हिममाया नगरकोटी र चितवनको रत्ननगर वडा नम्बर १२ टाँडी घर बताउने अमिर खान रहेका छन् ।

झुटो विवरण पेस गरेर बनाएकै जन्मदर्ताको आधारमा नेपाली नागरिकता (वंशज) प्रमाणपत्रका लागि अनुसुची १ बमोजिमको फारमसमेत भरी सकेपछि शङ्का लागि वडा कार्यालयले प्रहरीलाई खबर गरेपछि अनुसन्धान गर्ने क्रममा झुटो प्रमाणित भएको उनले जानकारी दिए ।

पक्राउ परेका तीनै जनालाई झुटो विवरण पेश गरी जन्मदर्ता प्रमाणपत्र बनाएको कसुरमा मुद्दा दर्ता गरिएको जिल्ला प्रहरी कार्यालय धादिङका प्रहरी नायव उपरिक्षक सन्तुलाल प्रसाद जैसवारले जानकारी दिनुभयो । उनीहरुलाई धादिङ जिल्ला अदालतले शुक्रबार ४ दिनको म्याद थप गरी प्रहरी हिरासतमा राखेर अनुसन्धान भइरहेको छ ।