नीलकण्ठ नगरपालिका वडा नम्बर ४ पौवामा समुदाय अभिमुखीकरण कार्यक्रम सम्पन्न

धादिङ,१९ फागुन ।
धादिङको नीलकण्ठ नगरपालिका वडा नम्बर ४ पौवामा समुदाय अभिमुखीकरण कार्यक्रम सम्पन्न भएको छ।सुरक्षित आप्रवासन(सामी)कार्यक्रम अन्तरगत नीलकण्ठ नगरपालिकाको आयोजनामा बैदेशिक रोजगारलाई सुरक्षित,भरपर्दो र लाभदायी बनाउने उद्धेश्यले कार्यक्रमको आयोजना गरिएको सामाजिक परिचालन अधिकृत सम्झना भण्डारीले बताउनुभयो।

बैदेशिक रोजगारमा नबुझिजाँदा विभिन्न समस्याहरु पर्ने गरेको कारण बैदेशिक रोजगारमा जानुपुर्व अपनाउनुपर्ने प्रक्रियाको बारेमा छलफल गरीएको हो ।सकेसम्म स्वदेशमै रोजगारी गर्रौँ,यदि विदेशै जाने भए सहि सुचना र सीप सिकेर जाउँ भन्ने उदेश्यले नीलकण्ठ नगरपालिकाले गाउँगाउँमा गएर सुचना प्रवाह गर्दै आईरहको छ।

कार्यक्रममा सामाजिक परिचालन अधिकृत सम्झना भण्डारी र मनोसामाजिक परामर्शकर्ता रामकुमार थापाले  विभिन्न चित्र मार्फत सूचना तथा परामर्श केन्द्रले गर्ने काम, वैदेशिक रोजगारमा जाँदा सहि सूचना र सीपको महत्व, कागजपत्रको सुरक्षा र त्यसको महत्व, घरेलु कामदारको रुपमा वैदेशिक रोजगारीमा जादा विचार पु¥याउनुपर्ने कुराहरु,पैसा र पासपोर्ट दिदा भरपाई गर्नुपर्ने विषयमा जानकारी गराउनु भएको थियो ।प्रक्रिया नपुर्याई र सिप नसिकी विदेशजाँदा नगरबासीले विदेशमा विभिन्न समस्या झेल्नुपरीरहेको भन्दै नीलकण्ठ नगरपालिकाले गाउँगाउँमा गएर सुरक्षित वैदेशिक रोजगारको विषयमा सचेतना कार्यक्रम सन्चालन गरीरहेकोछ ।