सांसद चन्द्र भण्डारीकी आमाको उपचारका क्रममा निधन

काठमाडौं ४ फागुन
ग्यास सिलिण्डर बिस्फोटबाट गम्भीर घाइते भई कीर्तिपुरस्थित अस्पतालमा उपचाररत ८६ वर्षीया हरिकला भण्डारीको निधन भएको छ।

गए राति निवास बुद्धनगरमा ग्यास सिलिण्डर बिस्फोट हुँदा हरिकला र उनका छोरा नेपाली कांग्रेसका सांसद चन्द्रकान्त भण्डारी गम्भीर घाइते भएका थिए।

कीर्तिपुर अस्पतालकी निर्देशक डा। निजिमा ताम्राकारले हरिकलाको निधन भएको जानकारी दिनुभयो । ‘उहाँको आज बिहान १० बजेर ५७ मिनेटमा निधन भएको हो,’ उहाँले बताउनुभयो ।
सांसद भण्डारीको उपचार जारी छ। उनलाई थप उपचारका लागि मुम्बई लैजाने तयारी गरिएको छ।