सिद्धबाबा मन्दिर सिद्धलेकमा महाशिवरात्रीको अवसरमा तेस्रो सिद्धलेक धार्मिक पर्यटन तथा साँस्कृतिक महोत्सव हुदै

धादिङ,४ फागुन
धादिङको सिद्धलेक गाउँपालिकामा रहेको सिद्धबाबा मन्दिरमा यहि फागुन ६ गते महाशिवरात्रीको अवसरमा बृहत कार्यक्रमको आयोजना गरीएको छ । फागुन ६ गते शनिवार महाशिवरात्रीको अवसरमा सिद्धबाबा मन्दिरमा तेस्रो सिद्धलेक धार्मिक पर्यटन तथा साँस्कृतिक महोत्सवको आयोजना गरीएको सिद्धलेक ढेवाडाँडा समाजका सल्लाहाकार अमृत गुरुङ(तिलक)ले जानकारी दिनुभयो । महोत्सवको लागि अहिले स्टल बुकिङको काम भईरहेको गुरुङले नीलकण्ठ एफएमलाई जानकारी दिनुभयो ।

यसैबीच महाशिवरात्रीकै अवसर पारेर बृहत खुल्ला रक्तदान कार्यक्रमको समेत आयोजना गरीएको छ। रगतको चरम अभावलाई मध्यनजर गर्दै रक्तदान कार्यक्रमको आयोजना गरीएको र मेलामा आउनुभएका दर्शनार्थीहरुलाई रक्तदान गरी सहयोग गरिदिन आयोजकले आग्रह गरेको छ ।

कार्यक्रममा राष्ट्रिय कलाकार चर्चित लोक गायक कुलेन्द्र बि.क., बालचन्द्र बराल, हास्य कलाकार बेगम नेपाली(भट्भटे),सुमन परियार,लोक गायीका सुमन थापा मगर, मनराज श्रेष्ठ, मोडल टिका भुजेल, स्थानीय कलाकारहरु सिर्जन खत्री, सोभित श्रेष्ठ, प्रवेश श्रेष्ठ प्रमोद खनाल लगायतले आ आफ्नो प्रस्तुतीहरु प्रस्तुत गर्नुहुने आयोजकले जानकारी दिएको छ।आन्तरिक तथा बाह्य पर्यटन प्रवद्र्धन गर्नको लागि सिद्धबाबा मन्दिरमा प्रत्येक बर्षको शिवरात्रीको अवसरमा बृहत सांस्कृतिक कार्यक्रमको आयोजना गरिदै आएको छ।