गुण्डागर्दी, चोरी डकैती र प्राकृतिक स्रोत साधनको दोहन रोक्ने पहिलो प्राथमिकताः प्रहरी प्रमुख मिश्र

धादिङ,२९ माघ 
धादिङ जिल्लामा हुने गरेको गुण्डागर्दी चोरी डकैती,प्राकृतिक स्रोत साधनको दोहन रोक्नु आफ्नो पहिलो प्राथमिकता रहेको प्रहरी प्रमुख गौतम मिश्रले बताउनु भएको छ।धादिङ जिल्ला अन्तर्गतका पत्रकार तथा संचारकर्मीहरुसंगको अन्तरक्रिया तथा पत्रकार भेटघाट कार्यक्रममा मिश्रले उक्त कुरा बताउनु भएको हो ।

बागमती प्रदेश प्रहरी कार्यालय हेटौडा, मकवानपुरबाट सरुवा भइ धादिङको कार्यालय प्रमुखको जिम्मेवारी समाल्नु भएका मिश्रले जिल्लामा हुने आपराधिक घट्नालाई न्युनीकरण गर्ने बताउनु भएको हो ।यस्तै राजमार्ग क्षेत्रमा हुने गरेको सवारी दुर्घटनालाई न्यूनीकरण गर्ने , चेक जाचलाई कडाई गर्ने बताउदै क्षमता भन्दा बढी यात्रु बोक्ने यातायातहरुको निगरानी गरि भोलिबाटै कार्बाही गर्ने बताउनु भएको छ।धादिङ पहरी प्रमुख मिश्रले प्रहरीमा आएका घटनामा कुनै राजनीति दलहरुको सोर्स फोस र दबाबमा नपरी काम गर्ने प्रतिबद्धता व्यक्त गर्नुभयो ।