सुरक्षित आप्रवासन कार्यक्रमको अर्धवार्षिक समिक्षा गोष्ठी सिम्लेमा सम्पन्न

धादिङ,२१ माघ ।
सुरक्षित आप्रवासन (सामी) कार्यक्रमको अर्धकार्षिक समिक्षा गोष्ठी थाक्रे गाउँपालिकाको सिम्लेमा सम्पन्न भएको छ ।जिल्लाको चार वटा पालिकामा सन्चालन भईरहेको सुरक्षित आप्रवासन कार्यक्रमको समिक्षा र आगामी कार्ययोजना बनाउनको लागि बसेको बैठक शनिवार सम्पन्न भएको सामी कार्यक्रमको सामाजिक परिचालन अधिकृत सम्झना भण्डारीले जानकारी दिनुभयो।

चालु आर्थिक वर्षको श्रावण महिनादेखि माघ महिनासम्म नीलकण्ठ नगरपालिका,धुनिवेशी नगरपालिका,गंगाजमुना गाउँपालिका र थाक्रे गाउँपालिकामा भएको कार्य प्रगतीको समिक्षा गरीएको कार्यक्रम संयोजक दिनेश दुवाडीले जानकारी दिनुभयो । कार्यक्रममा आप्रवासी श्रोत केन्द्रबाट प्रवाह भएको सुचनाहरु,सिप तथा न्यायको लागि गरीएको काम,वित्तीय साक्षरता तथा मनोसासामाजिक परामर्श कक्षामा भएको प्रगती विवरण,मनोसामाजिक परामर्शको क्षेत्रमा भएका कार्य विवतरण र वैदेशिक रोजगारी गरी फर्किएका रिर्टनी स्वंयसेवकहरुमार्फत प्रवाह भएको सुचनाहरुको कार्य विवरणको विषयमा छलफल भएको थियो ।

कार्यक्रममा हेल्भेटास नेपालका सुशासन संयोजक कमल बहादुर रोकाय, कार्यक्रम अधिकृत भागीराम चौधरी,सामी कार्यक्रम संयोजक डिप्रोस नेपालका श्रेत्रीय संयोजक अर्जुन शााही,सामाजिक परिचालन अधिकृत सम्झना भण्डारीले गोष्ठीको सहजिकरण गर्नुभएको थियो । बैदेशिक रोजागारलाई सुरक्षित,भरपर्दो र मर्यादीत बनाउनको लागि जिल्लाको ४ वटा पालिकामा सुरक्षित आप्रवासन सामी कार्यक्रम सन्चालन भईरहेको छ ।

सुरक्षित आप्रवास सामी कार्यक्रमले बैदेशिक रोजगारमा जानेलाई सहि सुचना दिने,निशुल्क सिपको लागि सिफारीस गर्ने,बैदेशिक रोजगारको कारण उत्पन्न भएको मनोसामाजिक समस्या कम गर्नको लागि मनोपरार्श सेवा दिने,बैदेशिक रोजगारबाट आएको रेमिट्यान्सलाई सहि सदुपयोग गर्न तथा व्यावसायिक योजना बनाई आर्थिक लाभको लागि वित्तीय साक्षरता तथा मनोसामाजिक परामर्श कक्षा सन्चालन गर्दै आईरहेको छ ।