ग्रामीण यातायात सहकारी द्धारा प्रजिअ लम्साललाई मायाको चिनो

धादिङ । ग्रामीण यातायात सहकारी संस्था लि. द्धारा धादिङका प्रमुख जिल्ला अधिकारी कृष्ण प्रसाद लम्साल सरुवा हुनुभएकोमा बिदाई कार्यक्रम गरेको छ ।

आज प्रमुख जिल्ला अधिकारी कृष्ण प्रसाद लम्सालको कार्यकक्षमा नै पुगी संस्थाका महासचिव बद्री प्रसाद सुवेदीले मायाको चिनो प्रदान गर्दै लम्साललाई धादिङमा कार्यसम्पादन कुशलता पुर्वक सम्पन्न गर्नुभएकोमा धन्यावाद ब्यक्त गर्दै आगामी दिनको प्रगतीको शुभकामना ब्यक्त गर्नु भएको हो । कार्यक्रममा ग्रामीण यातायात सहकारीका शेयर सदस्य तथा नेकपा माओवादी केन्द्रका केन्द्रिय सदस्य राम बहादुर भण्डारी, समितिका संचालक बिनोद बाबु रिमाल,संस्थाका ब्यवस्थापक कृष्ण कुमार भट्ट लगाएत शेयर सदस्यहरुको उपस्थिति रहेको थियो ।

लम्साल सरुवा भएर नवलपरासी (बर्दघाट सुस्ता पुर्व) पुग्नु भएको छ भने बाग्लुङका प्रमुख जिल्ला अधिकारी रमेश ढकाल धादिङ आउदै हुनुहुन्छ ।