‘महिला नेत्रीलाई चेली नभनियोस्’

काठमाडौँ / राष्ट्रिय स्वतन्त्र पार्टीकी सांसद सुमना श्रेष्ठले महिला नेत्रीलाई चेली नभन्न आग्रह गरेकी छन् ।

शनिबार प्रतिनिधिसभा बैठकमा उनले महिलाप्रति आत्मीयता नै देखाउने भए ५० प्रतिशत महिला सदनमा पठाउन आग्रह गरिन् ।

‘यो सदनमा धेरै चोटि सुनियो, चेली । महिलाहरू, महिला नेत्रीलाई चेली भनेपछि पुरुषलाई चेला भनेका सुनेका छौँ ? छैनौँ । मेरो आह्वान छ– महिला नेत्रीलाई चेली नभनियोस्,’ उनले भनिन् ।

उनले भष्टाचारीलाई कारबाही गर्न आयोग बनाउने कुरा भइरहेको भन्दै छिट्टै गर्न आग्रह गरिन् ।