नपाल क्षयरोग निवारण संस्था धादिङको २५ औ बार्षिक साधारण सभा सम्पन्न

नपाल क्षयरोग निवारण संस्था जिल्ला शाखा धादिङको २५ औ बार्षिक साधारण सभा सम्पन्न भएको छ । आज धादिङबेशी स्थित रेडक्रस हलमा संस्थाका सभापती श्रीकृष्ण अधिकारीको अध्यक्षता तथा नीलकण्ठ नगरपालिकाका उप प्रमुख दिपक बिश्वकर्माको प्रमुख आतिथ्यतामा कार्यक्रम सम्पन्न भएको हो ।

साधारण सभामा सचिव चन्द्र बहादर लम्साल द्धारा प्रस्तुत निति तथा कार्यक्रम तथा कोषध्यक्ष द्धारा प्रस्तुत आर्थिक प्रतिवेदन सर्वसहमत पास गरिएको छ । कार्यक्रममा धादिङ अस्पतालका निमित्त मेसु मधुकर दाहाल, नेपाल रेडक्रस सोसाईटीका सभापती नारायण प्रसाद तिमल्सिना,धादिङ उद्योग बाणिज्य संघका निवर्तमान अध्यक्ष रुद्र बहादुर खत्रि, नीलकण्ठ नगरपालिकाका स्वास्थ्य शाखा प्रमुख बिष्णु प्रसाद रिजाल र स्वास्थ्य कार्यालय धादिङका तोयानाथ छत्कुली लगाएत ब्यक्तित्वहरुको उपस्थिति रहेको थियो ।

नेपाल क्षयरोग निवारण संस्था जिल्ला शाखा धादिङले हाल क्षयरोग न्यनिकरण र प्रचार प्रसारका निमित्त धादिङ जिल्लामा बिभिन्न गतिबिधिहरु संचालन गर्दै आएको छ ।