पृथ्वीराजमार्गमा बस र टिपर ठक्कर खादा सात जना घाइते

धादिङ /धादिङको पृथ्वीराजमार्ग अन्तर्गत थाक्रे गाउँपालिका वडा नम्बर १ बाह्रकिल्लामा बस र टिपर दुर्र्घटना हुदाँ सात जना घाइते भएका छन् । काठमाण्डौबाट बुटवल तर्फ जादै गरेको लु १ ख ८५४८ नम्बरको बस र बिपरित दिशाबाट आउदै गरेको बा ३ ख ९९३५ नम्बरको बालुवा लोड गरेको टिपर एक आपसमा ठक्कर खादा सात जना घाइते भएको जिल्ला प्रहरी कार्यालय धादिङका प्रहरी नायव उपरिक्षक श्याम बहादुर खत्रीले जानकारी दिनुभयो ।

दुर्घटना परी घाइते हुनेहरुमा सिन्धुपाल्चोक ईन्द्रवति गाउँपालिका ८ का ५५ वर्षिय काले तामाङ र ४० वर्षिय सोम बहादुर तामाङ, धादिङ गजुरी गाउँपालिका १ का ५० वर्षिय सुनिल श्रेष्ठ रहेका छन् । घाइतेहरुको उपचारका लागि ट्रमा सेन्टर काठमाण्डौ लगिएको छ । रुपन्देही तिलोतमा नगरपालिका ११ का २९ वर्षिय सुमन सुनार, नवलपरासी गौडाकोट नगरपालिका ५ का ३५ वर्षिय टेक बहादुर बि।क, कैैलाली धनगढी नगरपालिका ४ का २९ वर्षिय गणेश सुनार र भारत गोरखपुरका ३६ वर्षिय मेराताङजाको गल्छिमा रहेको अम्बेभरोसा अस्पतालमा उपचार भैरहेको डिएसपी खत्रीले बताउनुभयो। दुवै सवारी र चालक प्रहरीको नियन्त्रणमा रहेको छ ।