अघिल्लो कार्यकालमा पुरा हुन नसकेको अधुरा योजनाहरु पुरा गर्छु : डा. अधिकारी

धादिङ,२७ कात्तिक । नेकपा एमाले धादिङ क्षेत्र नं २ प्रदेश सभा (क) का उम्मेदवार डा.रामकुमार अधिकारीले अघिल्लो चरणमा पुरा हुन नसकेको सबै योजना पुरा गर्ने गरिने बताउनुभएको छ । आईतबार धादिङको नीलकण्ठ नगरपालिकाको वडा नं १२ मा भएको चुनावी कार्यक्रम तथा मतदाता भेटघाट कार्यक्रमलाई सम्बोधन गर्दै उम्मेदवार डा.अधिकारीले अघिल्लो चरणमा बजेट बिनियोजन गरि पुरा हुन नसकेको सबै योजनालाई पुरा गरिने बताउनुभएको हो ।

अधिकारीले नेकपा एमालेका उम्मेदवारले जितेमा घिमिरे जँघार हुँदै पन्डितचौर, रिजाल डांडाँ,पचघरे सडक खण्ड पिच गरिने बताउनु भयो । यस्तै प्रगतिशील महिला सामुदायिक भवन र साना किसान सहकारी संस्थाको भवन निर्माण प्रक्रियालाई पुर्णता दिने प्रतिबद्धता ब्यक्त गर्नुभयो ।
उहाँले आफु निर्वाचित भएमा महिला, किसान र युवाहरूलाई प्रत्यक्ष हित हुने कार्यक्रम ल्याउने बताउनु भएको छ ।

उहाँले गठबन्धनको आश्वासनमा नपरी ढुक्क भएर एमालेका उम्मेदवारलाई मतदान गर्न पनि मतदाताहरुलाई आग्रह गर्नुभएको छ । उहाँले आज नीलकण्ठ नगरपालिका वडा न १२ को बगैंचा, पण्डितचौर, आँगेटारी, भदुवार र वडा न १३ को मधुवन,फ्यालेले खर्क, सेउलिका मतदातासँग भेटघाट गर्नुभएको छ । भेटघाटका क्रममा मतदाताहरुले उम्मेदवार चुनाबपछि पनि गाँउ आएर विकासको बारेमा छलफल गर्न आग्रह गरेका छन् ।

कार्यक्रममा प्रतिनिधि सभा धादिङ क्षेत्र नम्वर २ का उम्मेदवार खेमप्रसाद लोहनी, एमाले धादिङको जिल्ला तहका नेताहरु, नेकपा एमाले निलकण्ठ नगर कमिटिका पदाधिकारी लगाएतको सहभागिता रहेको थियो।