धादिङ अस्पताल भयो बागमती प्रदेश दोस्रो

धादिङ १९ कात्तिक । बागमती प्रदेश भरीकै अस्पताल मध्ये धादिङ अस्पताल दोस्रो भएको छ । आ.व. २०७८।७९को प्रदेश स्तरिय बार्षिक समिक्षामा तय गरेको बिभिन्न स्वास्थ्य सेवा सुचकहरुको आधारमा बागमती प्रदेश अन्तरर्गतको अस्पताल मध्ये धादिङ अस्पताल ८५.५ अंक ल्याई मापदण्डमा दोस्रो भएको हो ।
बागमती प्रदेश स्वास्थ्य मन्त्रालय स्वास्थ्य निर्देशनालयको आयोजनामा चितवनको सौराहमा कात्तिक १३ देखि १७ गते सम्म भएको बागमती प्रदेश स्तरिय बार्षिक समिक्षा गोष्ठीको अवसरमा धादिङ अस्पताललाई दोस्रो भएको घोषणा गरिएको थियो ।
बागमती प्रदेश स्वास्थ्य निर्देशनालयको हाल भएको मुल्याङ्कनमा ९१.५ अंक ल्याई त्रिशुली अस्पताल पहिलो र भक्तपुर अस्पताल ८२ अंक ल्याई तेस्रो भएका छन् ।
यस अघि धादिङ अस्पताल बागमती प्रदेशको दोस्रो भई नेपाल अधिराज्य कै दोस्रो हुन सफल भएको थियो ।