गठबन्धनले जिते कला र संस्कृति झल्कने एक पालिका एक सङ्ग्रालय निर्माण गरिन्छ : रमेश धमला

धादिङ १६, कात्तिक । आगामी मंसिर ४ गते हुने प्रतिनिधि सभा र प्रदेश सभा सदस्यको निर्वाचनमा गठबन्धनले जिते कला र संस्कृति झल्कने एक पालिका एक स्थानीय सङ्ग्रालय निर्माण गरिने नेपाली काग्रेसका नेता रमेश धमलाले बताएका छन् ।
गंगाजमुना गाउँपालिका वडा नं ४ मा लोकतान्त्रिक–वाम गठबन्धनको चुनावी कार्यक्रममा बोल्दै धमलाले स्थानीय कला र संस्कृति झल्कने एक पालिका एक स्थानीय सङ्ग्रालय निर्माण गर्ने बताएका हुन् ।

त्यसैगरि नेता धमलाले सबै पालिकालाई कालोपत्रे सहित सडक संजाल जोड्ने समेत बताएका छन् । स्वतन्त्र उम्मेदवारले फैलाएको नराम्रो कुरामा केन्द्रित नभई गठबन्धनको उम्मेदवारलाई जिताउन समेत धमलाले आग्रह गरेका छन् ।
गठबन्धनले मंगलबार गंगाजमुना वडा नम्बर ३ को गुम्दी र वडा नम्बर ५ फुलखर्कमा मतदाता भेटघाट कार्यक्रम गरेको थियो । धादिङमा गठबन्धनले निरन्तर मतदाताहरु संग भेटघाट गर्दै आएको छ ।