धारापानीमा जारी ‘नाईन ए साइड’ फुटबलको उपाधिका लागि सल्यान्टार र मैदी भिड्दै

धादिङ,२५ असोज ।
ज्वालामुखी गाउँपालिका वडा नम्बर ७ स्थित धारापानी खेल मैदानमामा जारी ‘नाईन ए साइड’ फुटबलकाको फाईनल खेल आज हुदै छ ।आज दिउँसो १ बजे हुने खेलमा उपाधीको लागि सल्यान्टार सिटी र मैदी युनाईटेडबिच प्रतिस्पर्धा हुने आयोजले जानकारी दिएको छ ।

धादिङ्ग जिल्लाकै सर्वाधिक धनराशीको नवौं खुल्ला क्लबस्तरीय ‘नाईन ए साइड’ फुटबल प्रतियोगिताको उपाधि भिडन्ड रोचक हुने भएको छ। दुवै टोली सोमबार भएको सेमिफाइनल खेल जित्दै उपाधि नजित पुगेका हुन्।

प्रतियागिताको विजेता टोलीले १ लाख ३० सहित कप र पदक प्राप्त गर्नेछ । उपविजेता टोलीले ६५ हजार सहित पदक प्राप्त गर्नेछ । यस्तै प्रतियोगिताको उत्कृष्ट खेलाडीले पाँच हजार प्राप्त गर्दा उत्कृष्ट डिफेण्डर, सर्वाधिक गोलकर्ता र उत्कृष्ट गोलरक्षकले समान चार–चार हजार प्राप्त गर्नेछन्।