चितवनमा डेंगु भएका एकजना युवकको मृत्यु

चितवन, ०४ असोज ।
चितवनमा डेंगु भएका २८ वर्षीय युवकको मृत्यु भएको छ ।

चितवन स्वास्थ्य कार्यालयका भेक्टर कन्ट्रोल निरीक्षक राम केसीका अनुसार उपचारका लागि पुरानो मेडिकल कलेजको भरतपुरमा रहेको शिक्षण अस्पतालमा भर्ना भएका रत्ननगर नगरपालिका-१ का २८ वर्षका युवकको आइतबार मृत्यु भएको हो ।

सो अस्पतालका चिकित्सक डा. आलोक प्रधानले अस्पताल आएको दुई घण्टाभित्रै ती व्यक्तिको मृत्यु भएको जानकारी दिए । उच्च ज्वरो र लगातार वान्ता हुन थालेपछि आइतबार मध्यन्ह तिर उनी उपचारका लागि आएको डा।प्रधानले बताए ।

उनको परीक्षण चार पाँच दिन पहिल्यै अन्यत्र नै भएको प्रधानको भनाइ छ । डेंगुका कारण चितवनमा यो वर्ष भएको यो पहिलो मृत्यु हो ।