वनका कर्मचारी द्धारा आफ्नै कार्यालय तालाबन्दि

धादिङ,१४ भाद्र ।
डिभिजन बन कार्यालय धादिङमा कार्यरत कर्मचारीहरुले आफ्नै कार्यालय तालाबन्दि गरेका छन् । मंगलबार एक बिज्ञप्ती जारी गर्दै कर्मचारीहरुले कार्यालयको मुख्य ढोकामा ताला लगाएर बिरोधमा उत्रिएका हुन् ।

भदौ २ गते सुर्खेतस्थित डिभिजन वन कार्यालयबाट वन अपराधको अनुसन्धानका सिलसिलामा पक्राउ परेका धनीराम लामिछानेको मृत्यु भएको घटनापछि अरु कर्मचारीलाई पक्राउ गरिएकोले देशै भरीको कार्यालयहरुमा विरोध कार्यक्रम अन्तरर्गत मंगलबार धादिङमा पनि तालाबन्दि गरिएको हो ।

कर्तव्य पालनाको सिलसिलामा प्रशासनले निगरानीमा लिएका सहायक वन अधिकृत कृष्णराम धिताल, फरेष्टर सन्तोष खत्री, वनरक्षक पिउषराज तिवारी तथा सुरेन्द्र रानालाई कार्यक्षेत्रमा अविलम्ब फिर्ता पठाउन उनिहरुले माग गरेका छन् ।कर्मचारीहरुले विरोध कै कार्यक्रम अन्र्तरगत भोली बुधबार सिंहदरवार घेर्ने र बन मन्त्रालयमा तालाबन्दि गर्ने कार्यक्रम समेत रहेको बताएका छन् ।