नीलकण्ठ बहुमुखी क्याम्पस र भारतको तीन क्याम्पसवीच शैक्षिक गतिविधि आदान प्रदान गर्ने सम्झौता

धादिङ,२३ साउन।
धादिङको नीलकण्ठ बहुमुखी क्याम्पस र भारतको तीन क्याम्पसवीच शैक्षिक गतिविधि आदान प्रदान गर्ने सम्झौता भएको छ । सोमबार धादिङवेशीमा आयोजित एक कार्यक्रमका बिच जिल्लाकै पहिलो सामुदायिक क्याम्पस नीलकण्ठ बहुमुखी क्याम्पस र भारतको तीन क्याम्पसवीच शैक्षिक गतिविधि आदान प्रदान गर्न दुइ पक्षीय सम्झौता गरिएको हो ।

नीलकण्ठ क्याम्पसका प्रमुख नवराज शर्माका अनुसार भारतको तेलङ्गाना राज्य स्थित हैदरावादमा संचालित स्टान्ली कजेफ अफ इन्जिनियरिङ एण्ड टेक्नोलोजी फर वुमन, सेन्ट जोसेफ डिग्री एण्ड पिजि कलेज र एरिस्टोटल पिजि कलेजसंग सम्झौता गरिएको छ ।

स्टान्ली कजेफ अफ इन्जिनियरिङ एण्ड टेक्नोलोजी फर वुमन को तर्फबाट प्राध्यापक डाक्टर पद्मा यालाप्रगडाले दुइपक्षीय सम्झौतामा हस्ताक्षर गर्नुभएको हो । त्यस्तै सेन्ट जोसेफ डिग्री एण्ड पिजि कलेज र एरिस्टोटल पिजि कलेजको तर्फबाट हैदरावादको ओस्मानिया युनिभर्सीटीका पुर्व डीन प्राध्यापक डाक्टर सुर्यनाराण अलामरीले हस्ताक्षर गर्नुभएको छ । तीन वटै सम्झौतामा नीलकण्ठ बहुमुखी क्याम्पसको तर्फबाट क्याम्पस प्रमुख नवराज शर्माले हस्ताक्षर गर्नुभएको छ ।

सम्झौता पत्रमा हस्ताक्षर समारोहमा वोल्दै प्राध्यापक डाक्टर सुर्यनारायणले नेपालको सामुदायिक कलेजहरुको लागि यो सुनौलो अवसर भएको र यसले यहाँको शैक्षिक विकासको लागि ठुलो अर्थ राख्ने बताउनुभयो । उहाँले सम्झौता भएर मात्रै उपलब्धी नहुने भन्दै तत्काल कार्यन्वयन स्वरुप भारतका क्याम्पसहरुको स्थलगत भ्रमण गर्न नीलकण्ठ क्याम्पसलाइ निमन्त्रणा गर्नुभयो ।

यस्तै नीलकण्ठ बहुमुखी क्याम्पसका प्रमुख नवराज शर्माले यहाँका विद्यार्थी तथा शिक्षकहरु भारतको उक्त क्याम्पसहरुमा गएर त्यहाँको शिक्षण सिकाइ विधिको ज्ञान लिन सक्ने, त्यहाँका राम्रा अभ्यासहरु सिक्न पाउने, अनुसन्धानका कामहरुमा सहकार्यको अवसर पाउने, विद्यार्थी तथा शिक्षकहरुले अन्तराष्ट्रिय शैक्षिक सेमिनारहरुमा सहभागिता जनाउन पाउने, आफ्नो प्रस्तुती गर्न पाउने एउटा माध्ययमको रुपमा सहयोग पु¥याउने बताउनुभयो । कार्यक्रममा नीलकण्ठ क्याम्पस संचालक समितिका पदाधिकारीहरु, क्याम्पसका प्राध्यापकहरु तथा विद्यार्थीहरुको सहभागीता रहेको थियो ।