गल्छीमा स्काउटको दिक्षान्त समारोह सम्पन्न

धादिङ १३ साउन । स्थानीय स्काउट गल्छीका संरक्षक, प्रमुख स्काउट संयोजक तथा सदस्य सचिव र सदस्यहरुको दिक्षान्त समारोह कार्यक्रम सम्पन्न भएको छ ।

गल्छी गाउपालिका प्रमुख तथा गल्छी गाउपालिका स्काउटका संरक्षक श्री केदारनाथ खतिवडा, उपप्रमुख तथा गल्छी गाउपालिका स्काउट प्रमुख भाइकाजी तिवारी र गल्छी गाउपालिकाका

शिक्षा शाखाका प्रमुख तथा गल्छी गाउपालिका स्काउटका सदस्य सचिव श्री पेमा दोर्जे थोकर लगाएत वडा अध्यक्ष,स्काउट कार्यसमितिका सदस्यहरुले पद तथा गोपनियताको सपथ लिनुभएको छ ।

स्थानिय स्काउट तदर्थ समिति गल्छीका अध्यक्ष लवराज खतिवडाको अध्यक्षतामा भएको उक्त कार्यक्रममा बागमती प्रदेश स्काउट तदर्थ समितिका संयोजक शिवराम अर्यालको बिशेष आतिथ्यता रहेको थियो ।

बागमती स्काउट तदर्थ समिति संयोजक शिवराम अर्यालले स्थानीय स्काउट संरक्षक, प्रमुख स्काउट संयोजक तथा सदस्य सचिव र सदस्यहरुलाई सपथ ग्रहण गराएका थिए ।

उक्त समारोहमा सक्सेस एकेडेमी गल्छीका स्काउट भाईबहिनीको समेत उपस्थिति रहेको गल्छी गाउपालिका स्थानीय स्काउट तदर्थ समितिका सदस्य रामचन्द्र अर्यालले बताउनु भयो ।