धादिङ,१७ असार ।
बैंकिङ कसुर मुद्दाका फरार दुई जना अभियुक्तहरु पक्राउ परेका छन् ।
शुक्रबार महाराजगञ्जबाट खटिएको प्रहरीको केन्द्रीय अनुसन्धान ब्यूरो( सीआईबी)ले काठमाडौं बालुवाटारबाट धादिङको नेत्रावती डबजोङ गाउँपालिका–५ घर भई काठमाडौंको तारकेश्वर–१० मनमैजु बस्दै आएका ३१ वर्षीय प्रेमबहादुर गुरुङ र महोत्तरीको लोहारपट्टि–७ घर भई हाल ललितपुरको महालक्ष्मी–१ इमाडोल बस्ने २८ वर्षीय गौरभ शर्मालाई पक्राउ गरेको हो ।
शर्मालाई उच्च अदालत पाटनको २०७९ वैशाख ५ गतेको फैसलाले ११ दिन कैद र ५५ लाख जरिवाना सुनाएको थियो भने गुरुङलाई उच्च अदालत पाटनले २०७९ साल वैशाख ४ गते २ दिन कैद र ९ लाख ९० हजार रुपैयाँ जरिवाना सुनाएको थियो ।
दुवैजनाले खातामा पर्याप्त मौज्दात रकम नभएको भन्ने जानी जानी झुक्याएर बैंकको चेकहरु आ–आफ्नो खाताबाट भुक्तान हुने गरी पीडितलाई दिएका थिए। पक्राउ परेका उनीहरुलाई फैसला कार्यान्वयनको लागि ललितपुर जिल्ला अदालतमा पेश गरिएको प्रहरीले जनाएको छ ।
धादिङ संचार प्रा.ली. द्धारा संचालित
धादिङ संचार डट कम (dhadingsanchar.com)
नीलकण्ठ नगरपालिका–३ धादिङ
ईमेल: [email protected]
सम्पर्क फोन- ०१०-५२१४३०, ९८५११२०८५०
प्रेस काउन्सिल दर्ता न: २६०३
सूचना विभाग दर्ता नम्बर: ६१ /०७३/०७४
सम्पादक: | बद्री अधिकारी |
कार्यक्रारी सम्पादक: | |
ब्यबस्थापक: | |
कानूनी सल्लाहकार: | |
बजार ब्यबस्थापक: |