४ हजार ७८ परीक्षणमा २६ जनामा संक्रमण पुष्टि, ३७ संक्रमित स्वस्थ

धादिङ,२९ चैत्र ।

नेपालमा थप २६ जनामा कोरोना भाइरसको सङ्क्रमण पुष्टि भएको छ ।

गत २४ घन्टामा देशभर ४ हजार ७८ कोरोना परीक्षण गर्दा २६ संक्रमित थपिएका छन् भने ३७ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ।

अब देशभर सक्रिय सङ्क्रमितको सङ्ख्या ५ सय ५४ जना मात्रै रहेको छ। देशभर २ हजार ८६६ आरटी पिसिआर परीक्षणमा २३ जना र १२ सय १२ एन्टिजेन परीक्षणमा ३ जनामा संक्रमण पुष्टि भएको छ ।

यस्तै संक्रमण कारण मृत्यु हुने पनि शुन्य रहेको छ । योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६६ हजार १११ पुगेको छ भने ११ हजार ९ सय ५१ जनाको मृत्यु भएको छ।

देशभर आजसम्म ११ लाख १८ हजार ८३५ कोभिड संक्रमित भएको मन्त्रालयको तथ्याङ्कमा उल्लेख गरिएको छ।