आज देशभर २२ जनामा कोरोना संक्रमण, सक्रिय संक्रमित ५६८

धादिङ,२८ चैत।

नेपालमा थप २२ जनामा कोरोना भाइरसको सङ्क्रमण पुष्टि भएको छ ।

गत २४ घन्टामा देशभर ५ हजार १४४ कोरोना परीक्षण गर्दा २२ संक्रमित थपिएका छन् भने ४६ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ।

अब देशभर सक्रिय सङ्क्रमितको सङ्ख्या ५ सय ६८ जना मात्रै रहेको छ। देशभर ३ हजार ९७२ आरटी पिसिआर परीक्षणमा २२ जना र ११ सय ७२ एन्टिजेन परीक्षणमा संक्रमित शुन्य रहेको छ ।

यस्तै संक्रमण कारण मृत्यु हुने पनि शुन्य रहेको छ । योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६६ हजार ७४ पुगेको छ भने ११ हजार ९ सय ५१ जनाको मृत्यु भएको छ।

देशभर आजसम्म ११ लाख १८ हजार ८०९ कोभिड संक्रमित भएको मन्त्रालयको तथ्याङ्कमा उल्लेख गरिएको छ।