सिद्धलेक–२ को वडाध्यक्षका लागि काँग्रेसबाट ४ जना आकाँक्षी

धादिङ,२६ चैत।
स्थानीय निर्वाचनको मिति नजिकिएसँगै बिभिन्न दलका शीर्षदेखि स्थानीय तहसम्मका नेताहरू धमाधम चुनावी प्रचारमा व्यस्त छन् । स्थानीय तहमा आन्तरिक तयारीमा जुटेका छन् । धादिङको सिद्धलेक गाउँपालिका वडा नं २ नलाङमा नेपाली काँग्रेसबाट वडाध्यक्ष पदका लागि ४ जना आकाँक्षी देखिएका छन् ।

बैशाख ३० का लागि तोकिएको स्थानीय तहको निर्वाचनका लागि काँगेस सिद्धलेक–२ का सभापति सागर गुरुङ, सिद्धलेक गाउँपालिकाका उप सभापति शालिकराम सिलवाल, महिला संघ वडा नं २ की अध्यक्ष अप्सरा रेग्मि र काँगेस सिद्धलेक गाउँपालिकाका सह–सचिव एवम युवा नेता सुवास गिरीले वडाध्यक्ष पदका लागि आकाँक्षा ब्यक्त गरेका छन् ।

सागर गुरुङ अघिल्लो स्थानीय तहको निर्वाचनमा एमालेका उम्मेदवार कमल गुरुङसँग ७४ मतले पराजित हुनुभएको थियो। सक्रिय राजनीति गरिरहेको सिलवाल बलिया उम्मेदवारको रुपमा देखिएका छन् ।

त्यस्तै रेग्मी महिलाबाट प्रतिनिधित्व हुनुपर्ने भन्दै दाबि गरिरहेकी छीन ।अर्का आकाँक्षी गिरी कांग्रेसको युवा नेताका रुपमा परिचित हुनुहुन्छ ।स्कुले जिवनबाटै राजनितिमा सक्रिय भएका गिरी समाजसेवामा समेत सक्रिय रहेका छन्।