विश्व स्वास्थ्य दिवसको अवसरमा २९ जनाले गरे रक्तदान

धादिङ,२४ चैत।
विश्व स्वास्थ्य दिवसको अवसरमा धादिङबेशीमा खुल्ला रक्तदान कार्यक्रम सम्पन्न भएको छ।

ज्योति महिला विकास वचत तथा ऋण सहकारी सस्ंथा लिमिटेडको आयोजनामा धादिङबेशी स्थित विपद् ब्यवस्थापनको हलमा भएको रक्तदान कार्यक्रममा ८ महिला र २१ पुरुष गरी २९ जनाले रक्तदान गर्नुभएको ज्योति महिला सहकारीका प्रमुख व्यवस्थापक बिपिन थापाले जानकारी दिनुभयो।

कार्यक्रमको उद्घाटन धादिङ बचत संघका अध्यक्ष्य नवराज शर्मा, नेपाल रेडक्रस सोसाइटीका सभापति नारायण तिमल्सिना र संस्थाका अध्यक्ष्य तारा माया लामाले संयुक्त रुपमा गर्नुभएको थियो।