धादिङका पत्रकार नारायण सिलवाल तु खबर अनलाईन पत्रकारिता पुरस्कारद्धारा सम्मानित

धादिङ,१९ चैत।
धादिङ पोष्ट डटकमका प्रधान सम्पादक धादिङका पत्रकार नारायण सिलवाललाई तु खबर अनलाईन पत्रकारिता पुरस्कारवाट सम्मान गरिएको छ । तु खबर डटकमको ५ औँ बार्षिक उत्सब समारोहको अवसरमा स्थापित तु खबर अनलाईन पत्रकारिता पुरस्कार–२०७८ बाट शनिबार धादिङका पत्रकार सिलवाललाई दश हजार एक राशीको उक्त पुरस्कारबाट सम्मान गरिएको हो ।

नेपाली पत्रकारिता क्षेत्रमा २०६२ सालदखी निरन्तर क्रियाशिल भई पछिल्लो करिब एक दशक देखी अनलाईन पत्रकारिता मार्फत नागरिकको सूचित हुने अधिकारका निम्ति पुर्याएको योगदानको कदर गर्दै सम्मान गरिएको आयोजकले जनाएको छ। सिलवाललाई कार्यक्रमका प्रमुख अतिथी बागमती प्रदेशका प्रदेश प्रमुख यादबचन्द्र शर्माले सम्मान गर्नुभएको हो।

धादिङमा लामो समयदेखी पत्रकारीता पेशामा सक्रिय हुनुभएका पत्रकार सिलवाल यसअघि “हरिगोपाल प्रधान फोटो पत्रकारिता पुरस्कार”पर्या–पर्यटन फोटो पुरस्कार बाट समेत सम्मानित हुनुभएको थियो। सिलवाल राष्ट्रिय फोटो पत्रकार समूह बागमति प्रदेशको अध्यक्ष समेत हुनुहुन्छ।