सिद्धलेकको आरुबासमा निशुल्क स्वास्थ्य शिविर,४४८ जनाले लिए सेवा

धादिङ,१८ चैत।
धादिङको सिद्धलेक गाउँपालिका वडा न ४ स्थित आरुबासमा निशुल्क स्वास्थ्य शिविर सम्पन्न भएको छ ।

सिद्धलेक गाउपालिका र लायन्स क्लब अफ काठमाडौँ हाईभिजनको संयुक्त आयोजना तथा मनमोहन अस्पताल तथा तेज आई केयर सेन्टरको प्राबिधिक सहयोगमा शुक्रबार भएको उक्त शिविरमा चार सय ४८ जना नागरिकले सेवा लिएका छन्।

शिविरमा आँखा, नाक, कान घाँटी तथा स्त्रीरोगको परिक्षणका साथै औषधि वितरण गरीएको सिद्धलेक गाउपालिका वडा नं ४ का वडाध्यक्ष रामहरी बराकोटीले जानकारी दिनुभयो ।जसमा २२८ जनाले आँखा, १११ जनाले नाक, कान, घाँटी र ३९ जनाले स्त्रीरोग परिक्षण गराएको वडाध्यक्ष बराकोटीले बताउनुभयो।

वडाध्यक्ष बराकोटीको अध्यक्षतामा भएको शिविर उद्घाटन कार्यक्रममा गाउँपालिकाका अध्यक्ष प्रेमनाथ सिलवालको प्रमुख आतिथ्यता तथा गाउँपालिका उपाध्यक्ष कमला शर्मा र प्रमुख प्रशासकीय अधिकृत नन्दलाल शर्माको बिशेष आतिथ्यता रहेको थियो ।