५ हजार २२२ परिक्षणमा जम्मा २३ कोरोना संक्रमित,२१५ स्वस्थ हुदाँ मृत्यु शुन्य

धादिङ,१३ चैत।

नेपालमा थप २३ जनामा कोरोना भाइरसको सङ्क्रमण पुष्टि भएको छ । गत २४ घन्टामा देशभर ५ हजार २२२ कोरोना परीक्षण गर्दा जम्मा २३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयकी प्रवक्ता डा.संगिता मिश्राले प्रेस ब्रिफिङका क्रममा बताउनुभयो।

देशभर ३ हजार ७८० आरटी पिसिआर परीक्षणमा १५ जनामा संक्रमण पुष्टि भएको छ भने १४ सय ४२ एन्टिजेन परीक्षणमा ८ जनामा संक्रमण पुष्टि भएको छ। यस्तै गत २४ घन्टामा देशभर रहेका सक्रिय सङ्क्रमित मध्ये २ सय १५ जना स्वस्थ भएका छन् भने संक्रमणका कारण मृत्यु हुने शुन्य रहेको छ।

योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६४ हजार ८२३ पुगेको छ भने ११ हजार ९ सय ५१ जनाको मृत्यु भएको छ ।

अब देशभर सक्रिय सङ्क्रमितको सङ्ख्या १ हजार ५५८ रहेको छ।देशभर आजसम्म ११ लाख १८ हजार ४४५ कोभिड संक्रमित भएको मन्त्रालयकी प्रवक्ता डा.मिश्राले बताउनुभयो।