निर्देशनमा फ्लप यी अभिनेता

एजेन्सी

काठमाडौं, २४ फागुन ।

बलिउडमा सफल कलाकारलाई निर्देशकको कुर्सीमा बस्ने ठूलो चाहना हुन्छ । गुरु दत्त र राज कपूरलाई आफ्नो ‘आइडल’ मान्नेवाला कलाकार जब अभिनेताका रुपमा सफलता हासिल गर्छन्, त्यतिबेला उनीहरु निर्देशनमा अवश्य नै हात हाल्छन् । यीमध्ये कमले मात्र सफलता पाउँछन् । यहाँ अभिनयमा सफल तर निर्देशनमा असफल कलाकारहरु प्रस्तुत गरिएको छ । जसमा अनुपम खेरदेखि लिएर सनी देओलसम्मको नाम छ ।

कलाकार पंकज कपूरले छोरा शाहिद कपुर र अभिनेत्री सोनम कपुरलाई फिल्म ‘मौसम’मा अभिनय गराए । यो ठूलो बजेटको फिल्मले बक्सअफिसमा सोचे जस्तो व्यापार गरेन ।

अभिनेता सनी देओल बलिउडमा एक्सन हिरोका रुपमा चिनिन्छन् । तर जब उनले निर्देशनका गद्दी सम्हाले, त्यसमा उनी असफल भए । उनले निर्देशन गरेको ‘दिल्लगी’ र ‘पल पल दिल के पास’ जस्ता रोमान्टिक फिल्म बनाए पनि बक्सअफिसमा असफल साबित भए ।

कलाकार अनुपम खेर अभिनयमा अब्बल भए पनि निर्देशनमा उनले आफूलाई अब्बल साबित गर्न सकेनन् । उनले ‘ओम जय जगदीश’ जस्ता फिल्म बनाएका थिए । जुन फिल्म असफल साबित भयो ।

पंकज कपूर र अनुपम खेर जस्तै अभिनेता नसीरुद्दीन शाह पनि फ्लप निर्देशक साबित भएका थिए । उनले ‘ये होता तो क्या होता’ जस्ता फिल्म बनाए । जुन फिल्ममा दर्शकले चासो देखाएनन् ।

अभिनेता अजय देवगनले पनि निर्देशनमा हात हालिसकेका छन् । उनले ‘यू मी और हम’ जस्ता फिल्म बनाए । तर फ्लप साबित भए ।