नेपाल निजामती कर्मचारी युनियनको अध्यक्षमा प्रकाश सापकोटा निर्वाचित

धादिङ १८ पुस
नेपाल निजामती कर्मचारी युनियनको अध्यक्षमा प्रकाश सापकोटा निर्वाचित हुनुभएको छ।

नेपाल निजामती कर्मचारी युनियनको आठौँ जिल्ला अधिवेशनबाट प्रकाश सापकोटाको अध्यक्षतामा १५ सदस्यीय नयाँ कार्य समिति चयन गरिएको छ । पुर्नगठित समितिको खुल्ला उपाध्यक्षमा शिबराज दुवाडी,समावेशी उपाध्यक्षमा सुजन श्रेष्ठ र महिला उपाध्यक्षमा मिश्रा सिलवाल निर्वाचित हुनुभएको छ ।

१५ सदस्यीय कार्यसमितिको सचिवमा भिमसेन श्रेष्ठ,सह–सचिवमा महेन्द्र पोख्रेल र कोषाध्यक्षमा टिकाराम अधिकारी रहनुभएको छ । नेपाल निजामती कर्मचारी युनियनको कार्यवाहक अध्यक्ष प्रकाश सापकोटाको अध्यक्षतामा सम्पन्न भएको अधिवेशनमा नेपाली काँग्रेसका केन्द्रिय सदस्य तथा पुर्व राज्यमन्त्री दिलमान पाख्रिनको प्रमुख आतिथ्य रहेको थियो ।

कार्यक्रममा नेपाली काँग्रेस धादिङका सभापति रामनाथ अधिकारी,पुर्व सभापति रमेश धमलाको विशेष आतिथ्यता रहेको कार्यक्रममा नेपाल निजामती कर्मचारी युनियनको केन्द्रिय सदस्य कृष्ण बद्री पौडेल लगायतको आतिथ्यता रहेको थियो ।