एम्बाप्पेले मेस्सीको रेकर्ड तोडे

धादिङ २२ मंसिर
क्लब ब्रग्सलाई हराउने क्रममा गोल गर्दै किलियान एम्बाप्पेले च्याम्पियन्स लिगमा लियोनेल मेस्सीको कीर्तिमान भंग गरेका छन् । योसँगै एम्बाप्पे च्याम्पियन्स लिगमा ३० गोल पुरा गर्ने पहिलो सबैभन्दा कान्छो खेलाडी बनेका हुन् ।खेलको सात मिनेटभित्र नै एम्बाप्पेले पेरिस सेन्ट जर्मेनलाई दुई गोलको अग्रता दिलाएका थिए । एम्बाप्पेको प्रतियोगितामा ३१ गोल पुगेको छ । ३० गोल पुरा गर्न २२ वर्ष र ३५२ दिन लागेको थियो । मेस्सीलाई यही कोशेढुंगा पार गर्न २३ वर्ष र १३१ दिन लागेको थियो ।

त्यसपछि एम्बाप्पले खेलको ३८ औँ मिनेटमा लियोनेल मेस्सीका लागि गोलको अवसर सिर्जना गरे ।खेलको ६८ औँ मिनेटमा पाहुना टोलीका लागि रिट्सले एक गोल फकाए पनि ७६ औँ मिनेटमा मेस्सीले पेनाल्टीबाट गोल गर्दै टोलीको जीत सुनिश्चित गरे ।३४ वर्षीय खेलाडीको प्रतियोगितामा ३८ औँ फरक टोलीविरुद्धको गोल थियो ।उनले यसमा क्रिस्टियानो रोनाल्डोको रेकर्डलाई बराबरी गरेका छन् ।जीतका बावजुद पीएसजी समूह एको दोस्रो स्थानमा चित्त बुझाउनु परेको छ ।