ग्रामीण यातायात सहकारी संस्था लि.को अध्यक्षमा बद्री प्रसाद सुवेदी चयन

धादिङबेशी । ग्रामीण यातायात सहकारी संस्था लि. को अध्यक्षमा बद्री सुवेदी चयन हुनुभएको छ । शनिबार सम्पन्न संस्थाको सोह्रो बार्षिक साधारणसभा तथा छैटौ अधिबेशन बाट सुवेदी सर्वसहमत अध्यक्षमा निर्वाचित हुनुभएको हो ।

आज गठित संचालक समितिको उपाध्यक्षमा ईश्वर धरेल,महासचिवमा प्रमोद पोखरेल, कोषाध्यक्षमा बाबुकाजी श्रेष्ठ,सचिवमा बिनोदबाबु रिमाल रहेका छन् । त्यसैगरी संचालक सदस्यहरुमा सुरेन्द्र कोईराला,कुल बहादुर रायमाझी,शेर बहादुर बस्नेत,हरि बहादुर गुरुङ, तिलक श्रेष्ठ र मंग बहादुर तामाङ रहेका छन् ।

अधिबेशनले चन्द्र बहादुर लम्सालको संयोजकत्वमा ३ सदस्यिय लेखा सुपरिवेक्षण समिति चयन गरेको छ । जसको सदस्यहरुमा राजाराम रिजाल र केशव कुमार श्रेष्ठ रहेका छन् ।

ग्रामीण यातायात सहकारी संस्था लि. ले हाल ६२ वटा सवारी साधन मार्फत धादिङबेशी बाट ग्रामीण भेग र काठमाण्डौ,चितवन लगाएतको बिभिन्न स्थानमा यातायात सेवा प्रदान गरिरहेको छ ।