आयुर्वेदिक शल्य चिकित्सा सेवा अब धादिङमा

धादिङ,०९ माघ ।
आयुर्वेद तथा वैकल्पिक चिकित्सालय धादिङमा अब शल्य चिकित्सा सम्बन्धी विशेषज्ञ सेवा सञ्चालन गरिने भएको छ। आयुर्वेद तथा वैकल्पिक चिकित्सालय, धादिङ र राष्ट्रिय आयुर्वेद अनुसन्धान तथा तालिम केन्द्र, कीर्तिपुरबीच यो सेवा सञ्चालन गर्न सम्झौता भएको चिकित्सालय प्रमुख डा. अमुल्य दाहालले जानकारी दिनुभयो।

उहाँका अनुसार प्रत्येक महिनाको दुई पटक गुदरोग (पायल्स, फिस्टुला, फिसर लगायत) बाट पीडित बिरामीहरूलाई लक्षित गरी शल्य चिकित्सा सेवा उपलब्ध गराइनेछ।

डा. दाहालले भन्नुभयो, “यस कार्यक्रमले धादिङ र आसपासका क्षेत्रका बिरामीहरूलाई स्थानीय स्तरमै गुणस्तरीय उपचार सेवा प्रदान गर्न मद्दत गर्नेछ।“ उहाँले आयुर्वेद र वैकल्पिक चिकित्सा प्रणालीलाई प्रभावकारी बनाउँदै सामुदायिक स्वास्थ्य सेवाको पहुँच थप विस्तार गर्नका लागि यो सेवा महत्वपूर्ण हुने पनि बताउनुभयो।

सम्झौताको क्रममा आयुर्वेद तथा वैकल्पिक चिकित्सालय, धादिङ र राष्ट्रिय आयुर्वेद अनुसन्धान तथा तालिम केन्द्रले यस अवसरको अधिकतम उपयोग गर्न सबैलाई आह्वान गरेका छन्।

यस कार्यक्रमले परम्परागत र वैकल्पिक चिकित्सा प्रणालीलाई आधुनिक स्वास्थ्य सेवासँग एकीकृत गर्दै समग्र स्वास्थ्य सुधारमा योगदान पु¥याउने विश्वास लिएको छ। धादिङका स्थानीयवासीहरूले पनि यस सेवाबाट लाभ उठाउन सक्ने अपेक्षा गरिएको छ।