नेशनल प्याब्सन धादिङको आठौँ अधिबेशन सम्पन्न,अध्यक्षमा प्रयास रेग्मी चयन

धादिङबेशी । नेशनल प्याब्सन धादिङको अध्यक्षमा प्रयास रेग्मी चयन हुनुभएको छ । शनिबार सम्पन्न नेशनल प्याब्सन धादिङको आठौ अधिबेशनबाट रेग्मी सर्वसहमत अध्यक्षमा निर्वाचित हुनुभएको हो ।

अधिबेशनबाट समितिको उपाध्यक्षमा अभिषेक बसौला, सचीवमा विजय खतिवडा, कोषाध्यमा सिताराम महत चयन हुनुभएको छ । त्यसैगरी सदस्यहरुमा बलराम सिलवाल, शोभा कट्टेल तिवारी, विशाल श्रेष्ठ रहनु भएको छ ।

नेशनल प्याब्सन धादिङको अध्यक्ष ईश्वरि प्रसाद पाण्डेको अध्यक्षतामा भएको कार्यक्रममा नेशनल प्याब्सन केन्द्रिय कार्यसमिति सदस्य काशीनाथ कोइरालाको प्रमुख आतिथ्यता रहेको थियो ।

नवनिर्वाचित अध्यक्ष रेग्मीले निजि शैक्षिक संस्थाहरुको हकहित, अध्यापनरत शिक्षक हरुको पेशागत क्षमता अभिब्रीद्धी तथा अध्ययनरत बिद्यार्थीहरुको सर्बाङ्गिण बिकासमा आफु लागीपर्ने प्रतिवद्धता व्यक्त गर्नु भएको छ ।