पृथ्वी राजमार्गकाे चिरौदी खोलामा सुख्खा पहिराे, ४ घाइते, राजमार्ग अवरुद्ध

धादिङ । पृथ्वी राजमार्ग अन्तर्गत धादिङकाे गल्छी गाउँ पालिका वडा नम्बर ४ बैरेनी बेल्खु बीचमा पर्ने चिरौदी खोलामा सुख्खा पहिराे जाँदा कार पुरिएर चारजना घाईते भएका छन् ।

सडक माथिबाट सुख्खा पहिरो खस्न जाँदा गजुरी तर्फ बाट काठमाण्डौ तर्फ जादै गरेको ग २ च ७८८५ नम्बर कार पुरिएको छ । कारमा सवार ४ जना घाईते अवस्थामा उद्धार गरि बैरेनी अस्पतालमा उपचारका लागि भर्ना गरिएकाे ईलाका प्रहरी कार्यालय गजुरीका प्रहरी नायब उपरीक्षक डिल्ली नारायण पाण्डेले जानकारी दिनुभयाे ।

सुख्खा पहिराे खसेपछि राजमार्गमा ६० मिटरभन्दा बढी भाग पुरिएपछि राजमार्ग अवरुद्ध भएकाे छ । घटना स्थलमा दुई वटा (Jcb) ले पहिराे पन्छाई रहेकाे छ । यतिखेरराजमार्ग अवरुद्ध छ । २ घण्टापछि राजमार्ग पहिराे पन्छायर संचालनमा अाउने प्रहरीले जनाएकाे छ । पहिराेपछि राजमार्गमा सवारी साधनकाे लामाे जाम लागेकाे छ ।