बुधबारदेखि हराएका तीन बालिका बाग्लुङमा भेटिए

धादिङ,२८ साउन ।
धादिङबेशीबाट गत बुधबारदेखि सम्पर्क विहीन भएका तीन जना बालिका बाग्लुङमा भेटिएका छन् ।

नीलकण्ठ बालमन्दिर माध्यामिक विद्यालयका कक्षा ९ मा अध्ययनरत १४ वर्षीय रोशनी विक, सुशिला तामाङ र अस्मिता गुरुङ तीनै जनालाई बाग्लुङमा भेटिएको खबर प्राप्त भएको जिल्ला प्रहरी कार्यालय धादिङका सूचना अधिकारी एवम प्रहरी नायब उपरिक्षक मकेन्द्रकुमार मिश्रले जानकारी दिनुभयो ।

प्रहरी नायब उपरिक्षक मिश्रका अनुसार अहिले उनिहरु जिल्ला प्रहरी कार्यालय बाग्लुङ्गको निगरानीमा रहेका छन् ।