सिद्धलेक गाउँपालिका गाउँ सभाको १५ औं अधिवेशन सम्पन्न, ६५ करोड ३९ लाख बजेट विनियोजन

धादिङबेशी । धादिङको सिद्धलेक गाउँपालिकाले आर्थिक वर्ष २०८१/८२ का लागि नीति तथा कार्यक्रम र बजेट सार्वजनिक गरेको छ ।आईतबार सम्पन्न भएको गाउँ सभाको १५ औं अधिवेशनले आगामी आर्थिक बर्ष २०८१/०८२ का लागि ६५ करोड ३९ लाख ७६ हजार रुपैयाँको बजेट विनियोजन गरेको हो ।

गाउँसभामा गाउँपालिका अध्यक्ष परशुराम खतिवडाले नीति तथा कार्यक्रम प्रस्तुत गर्नु भएको थियो भने गाउँपालिकाका उपाध्यक्ष सविता अर्यालले बजेट प्रस्तुत गर्नु भएको थियो । प्रस्तुत निति तथा कार्यक्रम र बजेट सर्वसहमत रुपमा पारित गरिएको छ ।

नीती तथा कार्यक्रममा बैरेनीमा १५ शैयाको अस्पताल निमार्णको कार्य प्रारम्भ गरिने, उत्पादनमा वृद्धि सिद्धलेको विकास समृद्धि भन्ने नारा सहित कृषि तथा पशुपालन क्षेत्रलाई आयमुलक व्यवसाय बनाई कृषकहरुलाई आत्मनिर्भर बनाउने, सयपत्री र खर्बुजाको खेती सुरुवात गरिने, प्रविधि हस्तान्तरण कार्यक्रम मार्फत उद्यमीहरुलाई प्रोत्साहन गरिने, ग्रीन सिद्धलेक क्लिन सिद्धलेक अभियान संचालन गरिने, एक वडा एक डम्पिङ साइडको नीती कार्यन्वयन गरिने, विद्यालयमा शिक्षक दरबन्दी मिलान तथा सरुवा प्रणालीलाई व्यवस्थित गरी जहाँ विद्यार्थी त्यहाँ शिक्षक निति लागु गरिने भएको छ ।

त्यसैगरी वडाहरुमा पर्यटन संभाव्यता अध्ययन गरि एक वडा एक पर्यटन क्षेत्र निर्माण गरिने,विश्वमै दुर्लभ मानिएको काँडे भ्याकुरलाई संरक्षण गरिने लगायतका विषयहरु समेटिएको छ । आय आर्जनमा महिला, उद्यमशिलतामा पहिला भन्ने नाराका साथ महिलाहरुको क्षमतावृद्धि र सीपमुलक कार्यमा प्रोत्साहन गरिने पनि निति तथा कार्यक्रममा समेटिएको छ ।

सिद्धलेक गाउँपालिकाको आव २०८१/०८२ को नीति तथा कार्यक्रमको पुर्ण पाठ हेर्न तल क्लिक गर्नुहोस।

आ.व. २०८१.०८२ को नीति कार्यक्रम

सिद्धलेक गाउँपालिकाको आ.व. २०८१/०८२ को बजेट बक्तब्यको पुर्ण पाठ हेर्न तल क्लिक गर्नुहोस ।

बजेट वक्तव्य

गाउँसभाका केहि झलकहरु