धुवाकोटमा सार्वजनिक सुनुवाई

धादिङबेशी । नीलकण्ठ नगरपालिका वडा न १४ धुवाकोटमा शनिबार सार्वजनिक सुनुवाई कार्यक्रम सम्पन्न भएको छ । नीलकण्ठ नगरपाालिका र वडा न १४ को आयोजनामा नीलकण्ठ नगरपालिका र वडा १४ को सेवा प्रवाह, बार्षिक निति तथा कार्यक्रम र बजेटको बिषयमा सार्वजनिक सुनुवाई कार्यक्रम सम्पन्न भएको हो ।

शुशासन पारदर्शिता र जवाफदेहिताको लागी यस आवमा नीलकण्ठ नगरपालिकाले यस अघि पनि सार्वजनिक सुनुवाई कार्यक्रम गरेको थियो । शनिबार सम्पन्न सार्वजनिक सुनुवाई कार्यक्रममा उठेका सवालहरुको नीलकण्ठ नगरपालिकाका प्रमुख भीम प्रसाद ढुङ्गाना, उप– प्रमुख दिपक बिशवकर्मा, प्रमुख प्रशाशकीय अधिकृत पुरुषोत्तम सुवेदी र नीलकण्ठ नगरपालिका वडा न १४ का वडा अध्यक्ष नवराज दुवाडीले सवालको जवाफ दिनु भएको थियो ।