टुक्रे योजनाहरुभन्दा पनि ठूला योजनाहरुलाई बिशेष प्राथमिकता : मुख्यमन्त्री जमकट्टेल

धादिङबेशी । बागमती प्रदेशका मुख्यमन्त्री शालिकराम जमकट्टेलले आगामी दिनमा टुक्रे योजनाहरु भन्दा पनि ठूला योजनाहरुलाई प्राथमिकता दिने बताउनु भएको छ ।

धादिङको थाक्रे गाउँपालिकामा निर्माण भएका थाक्रे १ को खयरघारी सिमपानी सडक पुल र थाक्रे ३ नम्बर नजिक बनेको ढोका भन्ञ्याङ पुल तथा ३ नम्बर वडा कार्यालय भवनको समुद्घाटन समारोहलाई सम्बोधन गर्नुहुँदै मुख्यमन्त्री जमकट्टेलले सो कुरा बताउनु भएको हो । उहाँले समारोहलाई सम्बोधन गर्नुहुँदै प्रदेशले गर्ने बिकासमा बराबरी हुने र आगामी योजनाहरुले पनि थप बिकासमा टेवा पुग्ने बताउनुभयो । उहाँले शिक्षामा अहिले भईरहेको पाठ्यक्रम अधुरो रहेको भन्दै अब रोजगारमूलक शिक्षालाई जोड दिनुपर्ने बताउनु भयो ।

अहिले बिकासका नाममा हरेक क्षेत्रमा भष्ट्रचार मौलाएको भन्दै काम नगर्ने जो कोहि भएपनि आफुलाई खबर गर्न आग्रह गर्नुभयो । उहाँले भष्ट्रचार मुक्त समाज निर्माणको काममा आफु प्रतिवद्ध रहेको समेत धारणा ब्यक्त गर्नु भएको थियो ।