नेकपा एमाले ज्वालामुखीको अध्यक्षमा गगां बहादुर अधिकारी(ध्रुब) चयन

ज्वालामुखी । नेकपा एमाले ज्वालामुखी गाउँपालिका कमिटीको अध्यक्षमागगां बहादुर अधिकारी(ध्रुब) चयन भएका छन्। अधिवेशनले उपाध्यक्षमा मोहन श्रेष्ठ, सचिवमा रुद्रमान श्रेष्ठ , उपसचिवमा निर्मला सामरी र मायानाथ सिलवाललाई सर्वसम्मत रुपमा निर्वाचित गरेको हो । त्यसैगरी दोस्रो अधिबेशनले लेखा समिति संयोजकमा शुनिल कुमार श्रेष्ठलाई चयन गरिएको छ ।अधिबेशनले ३ वर्षे कार्यकालका लागि ५१ सदसिय कमिटीको सर्वसम्मत निर्वाचित गरेको छ ।

नेकपा एमाले उपाध्यक्ष सुरेन्द्र पाण्डेले उद्घाटन गर्नुभएको ज्वालामुखि गाउँ अधिवेशनलाई नेकपा एमाले केन्द्रीय सदस्य तथा धादिङ ईन्चार्ज धर्मदत्त देवकोटा, केन्द्रीय सदस्य खेम लोहनी, जानुका सिंखडा, नेकपा एमाले जिल्ला अध्यक्ष भुमि त्रिपाठी लगायतले शुभकामना व्यक्त गर्नु भएको थियो ।

उद्घाटन कार्यक्रमलाई सम्बोधन गर्नुहुँदै प्रमुख अतिथि पाण्डेले देशको अर्थतन्त्र स्वास्थ नभएकोले सरकारले नया योजना, रोजगारी सिर्जना आदी कार्यक्रम ल्यायर चलायमान बनाउनुपर्ने बताउनुभएको थियो ।