विश्व स्वास्थ्य दिवस : धादिङमा बिरामीलाई फलफूल वितरण

धादिङ,२५ चैत्र ।
विश्व स्वास्थ्य दिवसको अवसरमा धादिङ अस्पतालमा भर्ना भएका बिरामीलाई फलफूल वितरण गरिएको छ । जनस्वास्थ्य कार्यालय धादिङको आयोजना र धादिङ अस्पतालको समन्वयमा बिरामीहरुलाई फलफूल वितरण गरिएको हो ।

मेरो स्वास्थ्य, मेरो अधिकार भन्ने नाराका साथ अस्पतालमा भर्ना भएको सम्पुर्ण बिरामीहरुको स्वास्थ्य लाभको कामनाको लागि फलफूल वितरण गरिएको जनस्वास्थ्य कार्यालय धादिङका जनस्वास्थ्य निरिक्षक तोयानाथ छत्कुलीले जानकारी दिनुभयो ।

फलफूल वितरण कार्यक्रममा संघीय सांसद रामनाथ अधिकारी, जनस्वास्थ्य निरीक्षक तोयानाथ छत्कुली, धादिङ अस्पतालका डा दिनेश रेग्मी लगायतको उपस्थिति रहेको थियो ।