रामकोट साकोसको आयोजनामा चैत्र २० गते रक्तदान कार्यक्रम हुँदै

धादिङ, १६ चैत्र ।
६७ औँ राष्ट्रिय सहकारी दिवसको अवसरमा चैत्र २० गते बृहत खुल्ला रक्तदान कार्यक्रम हुनेभएको छ । रामकोट बचत तथा ऋण सहकारी संस्था लिमिटेडको आयोजना तथा नीलकण्ठ नगरपालिका वडा नं ८ र ९ मा रहेका सहकारी संस्था, टोल विकास समिति, वडा कार्यालय, स्वास्थ्य चौकी र स्थानिय विद्यालयहरुको सह–आयोजनामा मंगलबार रक्तदान कार्यक्रमम हुने भएको हो ।

नीलकण्ठ नगरपालिका–८ रामकोट साकोसको कार्यालय प्राङ्गणमा बिहान ७ बजेदेखि हुने रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहने छ ।

रक्तदान कार्यक्रममा सक्रिय सहभागिता जनाई रक्तदान गर्नहुन सम्पुर्ण स्वयमसेवी रक्तदाताहरुलाई आयोजकले अपील गरेको छ ।