धादिङ अस्पताल परिसरमा २६ जनाले गरे रक्तदान

धादिङ,०२ चैत्र ।
नारी जागरण केन्द्र धादिङको २५ औँ स्थापना दिवसको अवसरमा २६ जनाले रक्तदान गरेका छन् ।

शुक्रबार नारी जागरण केन्द्र धादिङको आयोजनामा धादिङ अस्पताल परिसरमा भएको रक्तदान कार्यक्रममा १६ जना महिला र १० जना पुरुष गरी २६ जनाले रक्तदान गरेको अध्यक्ष भगवती उप्रेतिले जानकारी दिनुभयो ।

नारी विकास महिला सहकारी संस्था लि धादिङको व्यवस्थापन तथा सहयोगमा भएको रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।