गंगाजमुना गाउँपालिकाद्धारा जेष्ठ नागरिक सम्मान तथा अनुभव आदनप्रदान कार्यक्रम सञ्चालन

धादिङबेशी । धादिङको गंगाजमुना गाउँपालिकाले जेष्ठ नागरिक सम्मान तथा अनुभव आदनप्रदान कार्यक्रम सञ्चालन गरेको छ ।

९० वर्षभन्दा माथिका वृद्धवृद्धाहरुको घरघरमै पुगेर उनीहरुको अनुभव सुन्ने र सम्मानस्वरुप लौरो, पुरुषलाई ढाका टोपी, महिलालाई ऊनीको टोपी, दोसल्ला र हर्लेक्स वितरण गरिएको प्रमुख प्रशासकीय अधिकृत अनिल श्रेष्ठले बताउनुभयो ।

उहाँका अनुसार पालिकाभरीका १७५ जना वृद्ध वृद्धाहरुलाई वितरण गर्ने योजना बनाएको छ । हालसम्म पालिकाको वडा नं ४ मा वितरण गरिसकेको र क्रमशः अन्य वडामा वितरण गर्ने तयारी गरिएको उहाँले बताउनुभयो ।

जेष्ठ नागरिक वडासम्म आउन नसक्ने भएकाले घरघरमै गएर वितरण गरिएको उहाँको भनाइ छ ।