नीलकण्ठ नगरपालिका–१४ धादिङमा फेला परेको सालकको उद्धार

धादिङबेशी । धादिङको नीलकण्ठ नगरपालिका–१४ मा फेला परेको सालकको उद्धार गरिएको छ । फेला पारिएको सालक नीलकण्ठ नगरपालिका– १४ का वडा अध्यक्ष नवराज दुवाडी सहितको स्थानीयले डिभिजन वन कार्यालय धादिङमा बुझाएका थिए ।

उद्धार गरि ल्याइएको सालकलाई सुरक्षित प्राकृतिक स्थानमा छोडिएको डिभिजन बन कार्यालय धादिङका प्रमुख विष्णु प्रसाद आचार्यले बताउनु भयो ।

स्थानिय स्तरबाट यसरी सालक संरक्षणमा धादिङबासी जुटेको खवर आउनुले धादिङबासीमा सालकको संरक्षण गर्नुपर्छ भन्ने ज्ञान र चेतना बढेको आफुलाई महशुष भएको आचार्यले बताउनु भयो ।

उहाँले सालक भेटि बन कार्यालय धादिङमा बुझाउन आउनुहुने सवैलाई धन्यावाद प्रकट गर्नु भएको छ ।