श्री ५ को वायु गुठी समस्या तत्काल समाधान गर्छु : प्रधानमन्त्री प्रचण्ड

धादिङबेशी । धादिङ जिल्लाको ज्यामरुङ, कटुन्जे, गजुरी र गोरखा जिल्लाको थुमि लगायतका ३५०० श्री ५ को वायु गुठि पिडितको समस्या तत्काल समाधान गर्ने प्रधानमन्त्री पुष्पकमल दाहाल प्रचण्डले बताउनु भएको छ ।

आज नेकपा माओवादी केन्द्र धादिङका संयोजक मनराज भण्डारी, नेपाली कांग्रेसका पुर्व सभापती रमेश धमला, पुर्व मन्त्री कल्पना धमला लगाएत धादिङ जिल्लाका निर्वाचित जनप्रतिनिधिहरु रामनाथ अधिकारी, राजेन्द्र प्रसाद पाण्डे, गोविन्द लम्साल,नवराज अधिकारी,भीम प्रसाद ढुङ्गाना,दिपक बिश्वकर्मा लगाएतका नेता तथा जनप्रतिनिधिहरुको भेटमा प्रधानमन्त्रिले सो कुरा बताउनु भएको हो ।

प्रधानमन्त्री दाहालले भोलि फागुन १० गते बस्ने मन्त्रीपरिषद बैठकबाट गुठि पिडित संघर्ष समितिको समेत सहभागीता गुठी समस्या समाधान समिति बनाई सदनबाट तत्काल समस्या समाधान गर्ने प्रतिबद्धता व्यक्त गर्नुभएको छ ।