नेकपा एमाले धादिङको नवौं जिल्ला अधिवेशनको तयारी पुरा,शुक्रबार केपी ओलीद्धारा उद्घाटन हुँदै

धादिङ,१८ माघ
नेकपा एमाले धादिङको नवौं जिल्ला अधिवेशनको तयारी पुरा भएको छ । बिहीबार पार्टि कार्यालयमा पत्रकार सम्मेलनको आयोजना गरी जिल्ला अधिवेशनको तयारी पुरा भएको नेकपा एमालेले जनाएको हो । खुल्ला मन्चमा हुने अधिवेशनको उद्घाटन नेपाल कम्युनिष्ट पार्टी(नेकपा) एमालेका अध्यक्ष तथा पुर्व प्रधानमन्त्री केपी शर्मा ओलीले गर्नुहुने कार्यक्रम रहेको छ । दिउँसो १ बजे हुने उद्घाटन सत्रमा स्थलमार्ग भएर आउनु हुने अध्यक्ष ओलीलाई राजमार्गमा कार्यकर्ताहरुले स्कटीङ गर्दै विभिन्न ठाउँमा स्वागत गर्ने कार्यक्रम तय भएको त्रिपाठीले बताउनुभयो ।

अधिवेशनले एमाले धादिङको नयाँ कार्यदिशा तयार गर्ने र राजनीतिक प्रतिवेदनमा समृद्ध धादिङको मार्गचित्र प्रस्तुत गरिने त्रिपाठीले बताउनुभयो ।अधिवेशनका लागि जिल्लाका १०४ वटै वडाबाट ३४१ जना प्रतिीधिहरु छनोट गरिएको छ । सुदृढ संगठन एकताको आधार, एमालेको संकल्प जनताको सरोकार भन्ने नारासहित शुक्रबार पुछारबजारबाट साँस्कृतिक झाँकी सहित स्थानीय जनताहरुको सहभागितामा ¥याली निकालिने एमाले धादिङले जनाएको छ ।

अधिवेशन ऐतिहासिक हुने भएकोले आम जनसमूदायलाई उद्घघाटन समारोहमा सहभागि हुन नेकपा एमाले धादिङले आग्रह गरेको छ । सकेसम्म सर्ब सम्मतबाट नेतृत्व चयन गरीने त्रिपाठीले बताउनुभयो । सहमतिबाट नेतृत्वय चयन नभए चुनावी मैदानबाटै नेतृत्व चयन गरीने त्रिपाटीले नीलकण्ठ एफएमलाई बताउनुभयो । ५८० जना प्रतिनिधिले नेतृत्व चयनमा भाग लिने पाउनेछन् । अधिवेशनले १०५ जनाको जिल्ला कमिटी चयन गर्ने छ । जसमा ३३ प्रतिशत महिला, ५ प्रतिशत युवा अनिवार्य हुने पनि नेकपा एमालेले जनाएको छ ।