गजुरीमा जनप्रतिनिधि र कर्मचारीहरुकोलागि एक दिने अभिमुखीकरण कार्यक्रम

जनप्रतिनिधि र कर्मचारीहरुको लागि आयोजित एक दिने अभिमुखीकरण कार्यक्रम बुधबार गजुरीमा सम्पन्न भएको छ।गजुरी गाउँपालिकाको आयोजना र जिल्ला प्रशासन कार्यालय धादिङको सहकार्यमा अभिमुखीकरण कार्यक्रम सम्पन्न भएको हो । कार्यक्रममा जिल्ला प्रशासन कार्यलय मार्फत वडाबाट प्रवाह हुने सेवाहरु व्यक्तिगत घटना दर्ता, नागरिकता सिफारिस, नाबालक परिचयपत्र लगायतका विषयमा रहेका कानुनी प्रावधान, व्यवहारिक समस्या र समाधानको विषयमा छलफल गरिएको गजुरी गाउँपालिकाका प्रमुख प्रशासकिय अधिकृत राजु अधिकारीले जानकारी दिनुभयो ।

अभिमुखीकरण कार्यक्रममा वडा तहका पदाधिकारीहरुको क्षमता अभिवृद्धि गर्ने र कर्मचारीहरुको कार्य सम्पादन गर्ने उद्धेश्यले अभिमुखीकरण कार्यक्रम संचालन गरिएको अधिकारीले बताउनुभयो ।अभिमुखीकरण कार्यक्रममा प्रमुख जिल्ला अधिकारी बद्रीनाथ गैह्रेले प्रशासन कार्यलयबाट सम्पादन गरिने सेवा र कार्य प्रक्रियाको बारेमा जानकारी गराउनुभएको थियो ।

कार्यक्रममा गजुरी गाउँपालिकाका अध्यक्ष गणेश लाल श्रेष्ठले आगामी दिनमा वडाले प्रवाह गर्ने सेवा अझै प्रभावकारी र त्रुटी रहित हुने अपेक्षा लिएको बताउनुभएको छ।कार्यक्रममा गाउँपालिकाका अध्यक्ष गणेशलाल श्रेष्ठ, उपाध्यक्ष शर्मिला विसुराल, प्रमुख प्रशासकिय अधिकृत राजु अधिकारी, ८ वटै वडाका वडा अध्यक्ष, कार्यपालिका सदस्य, वडा सचिव र विषयगत शाखाका शाखा प्रमुखहरुको सहभागिता रहेको थियो ।